Il-libertà tal-informazzjoni fittizja
Illum qed ngħixu f’realtà fejn nirrikonoxxu l-libertà
tal-espressjoni, u bosta jħaddnu dan id-dritt mhux ftit, iżda f’pajjiżna hawn
abbissi fl-informazzjoni mitluba.
Dewmien esaġerat. Entità twaħħal f’oħra. Ħadd ma jrid
jassorbi r-responsabbiltà.
Din hija s-sitwazzjoni Filwaqt li f’pajjiżna missirijietna ġġieldu
għal-libertà tal-espressjoni, il-libertà tal-informazzjoni tinsab mhedda mhux
ftit.
Minn esperjenzi li ngħix spiss, anki f’laqgħat
tal-Kunsill, fejn anki talbiet isiru spiss l-informazzjoni hija xi ħaġa rari,
bi tfittxija għal dak li hu veritier tkun sostnuta f’numru ta’ laqgħat
b’talbiet lill-entitajiet tal-Gvern u lill-Ministeri ma jwasslu għal imkien
għajr għal dewmien, stennija u inkonvenjent.
Fl-aħħar ġimgħat rajna kemm hemm domandi Parlamentari
mhux imwieġba, bil-Ministri jożbqu s-700 domanda mhux imwieġba sa tmiem is-sena
2023. L-istess domandi mwieġba matul din is-sena, bosta ma tawx tweġiba, iżda
jgħaddu minn għajn il-labra d-domanda u lil dak li jkun wettaqha.
Din is-sitwazzjoni kont ngħixha wkoll fil-ġurnaliżmu, u
l-kollegi sħabi ġurnalisti għadhom jesperjenzawha sal-lum.
Din is-sitwazzjoni tinsab anki fil-Kunsilli Lokali.
Ħabi totali tal-informazzjoni
Ili mill-2017 insaqsi dwar il-ġurisdizzjoni tal-Fosos.
Qisni qed insaqsi xi ħaġa sigrieta, b’devjazzjoni f’waqtha mill-entitajiet,
tfakkiriet u reminders ikunu injorati, biex fis-sena 2024, kellna tweġiba li
l-Fosos ma jaqax taħt il-Ministeru tal-Patrimonju u l-Kultura, iżda dan
l-istess Ministeru qatt ma żamm lura milli jwettaq ix-xogħlijiet meħtieġa ta’
ħarsien. Fl-aħħar snin ukoll bdew taħditiet mal-Ministeru tal-Artijiet, fejn
ukoll ninsabu f’limbu.
Li jkollok tweġiba minn Ministeru li jwettaq
ix-xogħlijiet ta’ ħarsien, u rajna l-istat tal-Fosos fl-aħħar snin, hija
tweġiba redikola għal kull min għandu għal qalbu dan il-wirt nazzjonali.
Kif appellajt numru ta’ drabi, jien bl-ebda mod ma rrid
li ma jsirux attivitajiet fuq il-Fosos, iżda jinbidlu l-mod u l-kif. Kif
indikajt għadd ta’ drabi fil-passat, il-Fosos hija l-akbar pjazza f’Malta, u
fid-defenizzjoni ta’ pjazza ma tista’ qatt tgħid li din ma tilqax nies fi ħdanha.
Inkun qed immur kontra d-defenizzjoni ta’ dan kollu.
Kif appellajt numru ta’ drabi, jien ma rridx li ssir
manutenzjoni, iżda rrid li ma ssirx ħsara. Irrid, bħal kull Furjaniż, u bħal
kull Malti li għandu għal qalbu dan il-patrimonju, li jekk u meta jsir
ir-restawr, dan ir-restawr ma jkunx mormi wara ftit ġimgħat, iżda l-pjazza tkun
ikkultivata kif hu xieraq u denju.
In-nuqqas ta’ tweġibiet, it-tkaxkir tas-saqajn fuq
materji bħal dawn ikomplu jikkonfermaw it-titlu ta’ dan l-artiklu. Ilkoll
għatxana għall-informazzjoni, akkost li ninsabu taħt id-dawl tal-libertà
tal-espressjoni.
Tweġibiet ta’ limbu
L-istess sitwazzjoni hija dwar il-ħarsien u s-sigurtà
dwar Bieb il-Bombi. Kien hemm camera ta’ sorveljenza u ħarsien. Din il-camera
kienet mill-ġdid saret wara insistenza u għadd ta’ talbiet li wettaqt matul
il-laqgħat tal-Kunsill, u minn hemm il-Ministeru konċernat kien installaha. Wasalna
fl-2023, il-camera għebet, sar attakk vandalu, u l-awtoritajiet lanqas kienu
jafu li kien hemm camera fiz-zona ta’ anki ta’ wara Bieb il-Bombi.
Awtorità tipponta s-swaba fuq oħra u ħadd mhu lest li
jwieġeb. Min imur minn taħt? Il-lokal, iċ-ċittadin, ir-resident.
Din hi s-sitwazzjoni.
Il-poplu fix-xhur li ġejjin għandu għażla xi jwettaq.
Lill-Kunsilli, fi ħdanhom, se jkun qed jeleġġi nies li jaħdmu qatigħ
għal-lokal? Jeħtieġ persuni li joffru resistenza għal dan l-għemil diżastruż
fil-konfront tal-libertà tal-espressjoni. Jeħtieġ li l-Kunsilli jkollhom fi
ħdanhom persuni li vera jemmnu fil-funzjoni ta’ Kunsill. X’obbligu għandu
l-Kunsill Lokali. Li jiġġieled il-mentalità li ġiet imwellda fl-aħħar snin li
l-Kunsill huma Customer Care. Il-Kunsilli għandhom ir-rwol ta’ fejda ferm akbar
xi jwettqu ma’ kull komunità fi ħdan il-lokal rispettiv.
Mozzjonijiet ta’ ħidma u tfittxija għall-verità
Matul dawn is-snin li ili nokkupa r-rwol fil-Kunsilli
Lokali tal-Floriana, li nwettaq dmiri lejn dak li hu ġust u sewwa lejn il-lokal
kien il-qofol tal-ħidma tiegħi. Tal-Partit Nazzjonalista fil-Floriana.
Mill-2015 ‘l hawn kien pjaċir tiegħi li preżentajt ‘il
fuq minn 60 mozzjoni li permezz tagħhom ħarist li titjieb il-kwalità tal-ħajja
fil-lokal. Mozzjonijiet fejn anki talbu għall-kawtela, responsabbiltà u
informazzjoni. Mozzjonijiet li permezz tagħhom il-Floriana tkun imħarsa.
Is-sitwazzjoni fil-lokal hija drastika. L-appell ta’
riġenerazzjoni denja li kont insostni fl-ewwel jiem tiegħi bħala kandidat ta’
19-il sena, għadu sostnut bl-istess saħħa llum.
L-appell li nagħtu ħajja aħjar lill-Floriana għadu u
jibqa’. Dan hu fid-dmir tiegħi li nibqa’ nagħmlu sakemm il-poplu jibqa’ jtini
l-fiduċja tiegħu.
James Aaron
Ellul
Minority Leader
Floriana
Comments
Post a Comment