Inħarsu lil dak kollu li jagħmel lill-1 Distrett
Ninsab fil-politika
biex inservi, biex naħdem għal dak li hu tajjeb. Ma’ kull ġurnata li niltaqa’
ma nies ġodda qed nibda nifhem aktar is-sabiħ tad-distrett tagħna, u kif ukoll
l-isfidi li ħafna qed isibu ta’ kuljum.
Bil-kuntatt,
bis-smiegħ u bi ħsieb konvint li nistgħu ntejbu ħajjet l-Ewwel Distrett. Din
hija l-politika tal-PN.
Is-sitwazzjoni fil-Marsa
Il-Marsa llum qed
tilqa' mhux biss il-problemi lokali li jkollha kull lokalità, kull komunità
ħajja, iżda qed iġġorr piż Nazzjonali.
Ma nistax ma
niktibx fuq l-aħħar żviluppi dwar it-tankijiet li mir-Rinella se jimxu lejn
il-Marsa. Inkun onest, apparti l-fatt li konsultazzjoni ma saret ftit li xejn,
jew saret tard wisq, jew id-deċizzjoni kienet sfurzata fuq il-popli Marsi, imma
li hu fatt hu li l-Marsa ma tiflaħx għal aktar. Dwar dan kont minn tal-ewwel li
tkellimt eżatt x'ħin sirt naf bl-aħbar u se nibqa' ninsisti li wara kollox
inkun leħen il-Marsin ġenwini.
Il-Marsa ma tiflaħx għal aktar piżijiet, id-distrett ma
jiflaħx għal aktar sfidi
Jeħtieġ li
fil-politika tagħna ngħinu lill-Marsa, infittxu li noffru aktar sigurtà
fiz-zona, noffru aktar skemi biex inħeġġu liż-żgħażagħ u l-familji jibqgħu
fil-lokalità. B'din il-politika l-Marsa tista' tieħu r-ruħ u l-idenitità
Marsija tibqa' ħajja.
Għalissa dwar dan,
sa issa se nikteb sa hawn, ‘il quddiem se nikteb dak li qed jgħiduli ta’ kuljum
il-Marsin.
L-ambjent tagħna
L-ambjent tal-Ewwel
Distrett kontinwament qed ikun mhedded. Iċ-ċentru ta’ Malta, ismu miegħu,
ċentrali għax jagħti servizz. Iżda kemm fir-realtà qed isir ivestiment biex
intejbu ħajjet ir-residenti li nagħmlu parti mill-Ewwel Distrett. F’artiklu li
ktibt fuq din il-gazzetta nhar il-Ħamis 25 ta' Marzu 2021 ktibt numru ta’
proposti li proponejt jien, u oħrajn li ilhom ikunu mwiegħda żmien u għomor. Jeħtieġ
li dawn l-ideat, issa jkunu implimentati. Iċ-ċentru qed jagħti ħafna lil
pajjiżna, jeħtieġ li llum qabel għada issa jingħata l-attenzjoni li hija tant u
tant meħtieġa.
Dwar tajjeb li iżda
l-proġetti li jkunu proposti jkunu studjati, riċentament rajt anki posts fuq
Facebook t’aspirazzjoni ta’ proġetti, jeħtieġ dejjem iżda li mhux insolvu
problema naħa, u nitfugħa band’oħra. Fil-politika tagħna jeħtieġ li jgawdi
minnha kulħadd, u li ma nżommu lil ħadd lura.
Riġenerazzjoni tad-Distrett
L-Ewwel Distrett
qed jaffaċċja problema kbira ta' riġenerazzjoni, l-identità tal-lokalitajiet
rikki qed tintilef għax il-qalb tal-lokal qed tmut. Kif semmejt fuq fuq f’dan
l-artiklu nemmen bis-sħiħ li l-PN jista' joffri pjan ta' riġenerazzjoni għall-1
Distrett. Il-lokalitajiet tal-Belt Valletta, il-Floriana, il-Ħamrun, il-Marsa,
Santa Venera, Tal-Pietà u G’Mangia, jixirqilhom aħjar.
X'nistgħu nagħmlu imma biex inħarsu l-komunità?
Għaliex ma noffrux
aktar inċentivi lill-First time buyers fil-lokalitajiet li l-aktar qed ibatu.
Il-prezzijiet tal-proprjetà għalina ż-żgħażagħ qed insibuhom ta' sfida kbira,
jeħtieġ li nagħtu għajnuna biex dawk li jrid li jkollhom familja, ngħinuhom
biex jixtru proprjetà u jibqgħu fil-lokalitajiet li huma tagħhom.Din
il-proposta kont ħabbartha fid-diskors li kont wettaqt tul attività politika
tal-PN.
Nagħtu ħajja mill-ġdid lill-komunitajiet tal-1 Distrett
Din il-proposta hija
waħda ta’ benefiċċju li tgħin mhux ftit, u żgur li hemm proposti oħrajn li
nistgħu nehmżu fil-programm elettorali tal-PN biex wara kollox inħarsu l-qalb,
l-identità tal-lokalitajiet tagħna.
Nieħdu ħsieb lill-batut
F’pajjiżna rridu nieħdu
ħsieb lil dawk vulnerabbli. Lill-pensjonanti. Lil dawk li d-dħul tagħhom mhux
biżżejjed biex iwasslu sal-aħħar tax-xahar. Irridu nħarsu wkoll lill-foqra u
lil dawk li jinsabu f'xifer il-faqar. Dawn il-problemi huma reali, u ta’ kuljum
qed insib quddiem wiċċi dawn l-isfidi li ħafna qed jgħixu ġurnata b’ġurnata.
Ma nistgħux nibqgħu
nħarsu biss lejn dawk l-affarjiet li l-aktar jagħmlu ħoss, imma irridu wkoll nuru
solidarjetà maż-żgħir u l-batut. Irridu nfittxu li bħala Partit Nazzjonalista
nkomplu ngħinu lir-ruħ soċjali.
Il-ħidma fil-PN
mhux taqta’. Evidenti li l-PN qed jersaq viċin il-poplu, iżda ma nistgħux
nieqfu hawnhekk. Il-ħidma trid tissokta biex bħala Partit, bħala politiċi nkunu
l-vuċi tar-raġuni.
Bl-involviment ta’
kulħadd il-Partit Nazzjonalista jista’ jersaq aktar lejn is-soċjetà, u nemmen
li b’rieda tajba, il-politika Nazzjonalista, il-politika veritiera, taf
mill-ġdid terġa’ tkun fit-tmum ta’ dan in-Nazzjon
ħabrieki.
Ikun ta’ pjaċir jekk xi ħadd ikun jixtieq li jkellimni ma jiddejjaq xejn
jikkuntajani fuq jamesaaronellul@gmail,com. Dejjem sabiħ meta naqsmu
il-ħsibijiet tagħna flimkien.
Artiklu li deher fuq in-Nazzjon nhar l-Erbgħa 28 ta' April, 2021
Comments
Post a Comment